住村屋 雖然某情度下係方便過住樓 不過其實呢........................
都好多問題架 至怕既 當然係治安問題啦 不過好在
係呢機住左幾年 治安都ok啦 間唔中都仲有d警察會入黎行下
其次既問題 就係蛇虫鼠蟻 呢d真係好得人驚 夏天問題就大啦
洗衫晾衫 真係超多數呀 出去一轉 閒閒地比d衰蚊啜你6-7啖
所以蚊怕水呢d 真係必備 但係呢 聽講噴得多係唔好 而且真係好大味呀~
呢排量地 所以買餸時間多左 可以無無聊咁周圍遊下 發現左呢隻野
睇過標籤 係原裝泰國運黎既 真係唔睇都唔知 原來香茅係可以驅蚊
店主教我 當佢係香水咁搽 即係只係搽係頸背受手碗就ok.........
呢盒野 賣25蚊 但係老闆話係天然 咁就試下啦 ok啵 晾衫用左15分鐘
又都真係冇比蚊蚊咬~ 哈哈~ 以後唔使噴埋個d"殺虫水"上身啦
"雲吞撈粗"
早排見blog友Yanomi整左個蝦子雲吞撈麵 大熱天時 冇乜飯引
一於都跟下先 即時走去街市 搵下有冇靚蝦賣 買埋"菜心仔"wakakakka
係呢到 仲要多謝blog友5B媽-biggie-bobo-bitsy-bingo-bonnie
同埋Flora 教路 點樣處理包起左 又食唔晒既雲吞 呢次終於成功左
唔會一雪就"痴埋一舊舊"啦
"紫菜蠔仔肉碎湯"
滾多個"人家大少"既紫菜湯 呢次其實放左潮州魚蛋架 不過影相個時
d魚蛋以經去晒"人家大少"個肚啦~ 唉~ 有冇真係咁餓呀=口=
第二日 滾返個湯 加多幾粒雲吞 就成為我既早餐啦 哈哈~
笨笨，你喺晒衫嘅附近種d驅蚊草嘛，種香茅都可以，你要嘅話，我問農友攞吖！
回覆刪除我整嘅紫膏都可以驅蚊架，燙傷用都得架，$25咁好賺呀，早知我又整出來買啦 !
呢排休魚期買蝦會貴D嗎?
回覆刪除好耐無包心思思添!
紫菜蠔仔肉碎湯好吸引加埋雲吞仲正
回覆刪除我前幾日都包左雲吞呀....不過唔太成功呢.....因為我唔識包呀!!!
回覆刪除但你包得幾靚....皮好薄咁呀~~
自己包, 包好味
回覆刪除笨笨又引誘禾.....我又心CC爽包雲吞芽 但D蝦巧貴.....而家拎妳D食住先
回覆刪除我對你嗰個驅蚊膏好有興趣呀,請問係邊到買架?
回覆刪除鮮蝦雲吞, 我鍾意呀!! 你盒蚊膏幾好喎, 我又搵吓先!!
回覆刪除兩樣係我至愛,正呀!
回覆刪除我影咗你張蚊膏相，諗住去藥房問㗎啦！
回覆刪除咁係點處理啲雲吞唔會 痴埋一舊舊呀？
我都係屯門住村屋,黃昏先會特別多蚊,平時多草蚊,大大隻不過唔咬人架!
回覆刪除笨笨： 我都係住村屋，驅蚊我用泰國既蚊香，超得架。至於蚊膏，呢隻唔夠持久架，小心。同埋…泰國賣幾蚊港紙架咋… 想問吓你呢間野係邊間呀？我想去問吓有無其他泰國藥品賣呀。唔該晒你先。 活活
回覆刪除你呢D 蚊膏好似幾好咁~我出郊外用嗰D 蚊貼~好大陣味呢
回覆刪除二合一個碗早餐好正喎, 加埋罐可樂爽呀~
回覆刪除紫菜湯...正呀...好耐沒飲過...
回覆刪除泰國出呢d嘢又平又好用架, 以前細個親戚送老媽一支什麼什麼蛇水(搽咗變白) 對熱弗真係work 喎.....
回覆刪除你真係好叻呀, 包得同街買的雲吞一樣.
回覆刪除等我都叫朋友去泰國旅行時睇下隻蚊膏有無得買先,多謝介紹呀
嘩! 隻蚊膏咁正, 等我都去搵吓先. 其實最好係可以自己種的香茅. Ruby成日叫我買的有根嘅香茅返嚟. 我仲未搵到.
回覆刪除的蝦子雲吞好正呀! 我好懶呀! 仲係食緊急凍雲吞, 一係人地包嘅餃子...
我以前住村屋都有蚊，行去露台洗晾衣服真係要快， 後來政府時常來噴，噴噴下就小左。
回覆刪除我真係唔可以住村屋，因為我最怕狗狗...
回覆刪除早餐, 咁早飲可樂
回覆刪除紫菜湯雲吞加可樂 ,正喎
回覆刪除餐咁豐富，午餐仲有冇胃口呀
回覆刪除邊區村屋呀?
回覆刪除雲吞同粗麵我兩樣都o岩食喎
回覆刪除盒香茅都幾好喎, 帶去行山都ok...我哋而家行山都必要蚊膏, 因為D蚊太毒喇
回覆刪除鮮蝦雲吞, 我鍾意呀
回覆刪除重有無咁早飲可樂呀，因住肚痛。
回覆刪除
回覆刪除香茅 同 尤加利葉油都驅蚊除虫架﹐有 D 蚊貼都係用佢地﹐起碼無殺虫藥﹐安全 D ﹐我地帶狗狗出街前都噴 D 尤加利葉油係手手腳腳尾巴周圍﹐ D 虱就唔會跳上佢地身﹐尤加利葉油﹐殺菌消毒﹐無害﹐吸入氣管有坐上呼吸道感染。
紫菜雲吞!正! 我好耐都無食過紫菜lu
回覆刪除早餐飲可樂，好似唔多健康喎 ~~~~~
回覆刪除包多 D 云吞放喺冰柜，隨時有得食！
回覆刪除尤加利葉油賣香薰嘅地方就有，好多人鍾意加幾滴入蒸氣機用嚟聞，有助呼吸道感染，或者放濕機，殺菌消毒，買水溶性個隻開水就得，我用嚟拖地架。
回覆刪除笨啦啦..自己包雲吞仲正~我又係好LIKE食雲吞架 哈哈..不過阿喂唔like~所以我唔會自己包囉 你整定左好多呀! 可以慢慢食呢
回覆刪除