白切雞 & 蒜子上湯紫莧菜

上星期某日 收到舊公司打黎 叫我返去睇兩封信...........

跟住"人家大少"問我 你仲應承佢? 個老闆娘都幾厚面皮 仲夠膽叫你返去 

哈哈~ 佢當然夠膽啦 皆因我仲有糧未出丫麻 而且仲要執埋d私人物件

返到去 除左幫佢地攪惦個兩封野(有關統計處報關)

跟住我唔知佢扮傻定係乜野 又拎兩份未報關既文件出黎

叫我幫佢睇......................哼=.= 你精我都真係唔"笨"呀

我拎左份吉form出黎 用螢黃筆mark低晒要填既野 跟住..........................

係面頭 大大隻字寫住"SAMPLE" ........ 老實講丫 我幫你做埋既話

下次又會再打電話黎 問多幾句唔明 又會叫我返去睇 冇佢地咁好氣呀........

知佢地個"窿"野 情願煩D 寫清楚個SAMPLE 講清楚比佢知 一了百了=口=

 

"白切雞"

今次失手 信錯賣雞果個 隻雞都幾鬼肥 起膏同埋洗都攪左我半個鐘

不過D肉都幾滑 雞味就唔C講啦 "冇" 其實整白切雞 應該用灼既方法

但我想留返D雞汁 用黎扮"上湯"(好過用罐頭先啦) 所以就蒸

倒起D汁 放涼後 擺入雪櫃

當你雪凍左之後 好自然D油會硬左 浮面 咁就可以"撇"左層雞油

出黎用 下面個D 就會係雞汁啦 (今次係半隻雞乍 睇下@@ 幾鬼多油)

"人家大少"話呢次隻雞好失敗 原因......係佢話自己斬得好肉酸啵

用左1/3雞油黎煮"薑蔥油"

"蒜子上湯紫莧菜"

又用左1/3雞油爆香蒜子 再加一半雞汁 去煮呢個菜 個蒜子呢次整得幾

滿意 起碼唔C好似上次咁 要收埋唔敢比人睇WAKAKAKAKA~

至於剩低個D雞油冇要啦

仲有一半雞汁 加埋入個湯入面 笨笨簡單例水 ~ 芥菜咸蛋肉片

求求其其 樹樹但但 咁又一餐啦 哈哈!!