南乳豬手 & 清蒸金鼓

呢篇垃圾網誌又寫到好鬼長呀 各位BLOG友 SORRY呀

而家大家最留意既 我諗都係有害食物既問題............

國內既假乜假物 什麼工業用源料都放入食物入面.........

日本幅射問題................台灣塑化劑問題 全部係危害呢個世界

家陣真係好似食乜都會出事.......... 笨笨老實講 我係一個懶人

買乜野都唔會睇原材料/成份.....有時大意到食物期限 都唔會睇

但係而家 對於乾貨/罐頭 呢D 會比較留意 (哈哈~ 起碼食左有乜事

都諗住有得追究丫麻) 不過鮮肉/凍肉/蔬菜/果 呢D 就控制唔到啦.....

好多野 自己都控制唔到 為有係自己掌握到既情況之下 小心D啦@@~

早兩日收到朋友SEND黎既E-MAIL 係呢篇網誌內 想同各位分享一下

TOPIC係 十大粉麵健康排名

第一位﹕生麵
卡路里﹕230/碗
脂 肪﹕0克
不經油炸的生麵在眾多粉麵中，屬最健康，不含脂肪，配以清淡的烹調方法及配料，是keep fit 人士不俗的選擇。

第二位﹕拉麵
卡路里﹕230/碗
脂 肪﹕0.3克
日本菜中，拉麵本身屬健康麵，但那一口濃郁的上湯，卻是致肥的元兇，吃時還是配清湯較好。

第三位﹕米粉
卡路里﹕192/碗
脂 肪﹕0.4克
米粉一向被視為健康的麵食，通常一個米粉的分量不會太大，吃一碗，分量剛剛好。

第四位﹕意粉
卡路里﹕174/碗
脂 肪﹕0.8克
或許你會覺得意粉是高熱量食物，只是意粉慣常採用的配料，令人誤會而已，不要選擇白汁或肉醬口味，選擇鮮茄汁或素菜口味的，便較健康。

第五位﹕上海麵
卡路里﹕206/碗
脂 肪﹕2克
上海麵亦即陽春麵，白雪雪，滑嘟嘟的口感，食味不俗，最適宜伴以清湯或魚湯，味道合拍又健康。

第六位﹕烏冬
卡路里﹕200/碗
脂 肪﹕2克
烏冬跟上海麵一樣，適合伴以清淡上湯烹調，但炒烏冬就可免則免，因為屬高油分、高卡路里的食物，少吃為妙。

第七位﹕全蛋麵
卡路里﹕213/碗
脂 肪﹕2.4克
爽口彈牙的全蛋麵看似油分不高，但其實脂肪含量也不少，只宜偶爾吃一次，平日還是選吃其他較健康的麵食吧！

第八位﹕河粉
卡路里﹕284/碗
脂 肪﹕4.9克
一睇就知河粉高油又高卡路里，油淋淋的賣相絕對騙不了人。喜歡河粉的軟滑口感嗎？建議選擇烏冬或上海麵取代。

第九位﹕即食麵
卡路里﹕453/碗
脂 肪﹕17.1克
向來說即食麵無益又高油，吃一個等同吃一頓飯的卡路里，寧願吃一頓有食送菜、有白飯的膳食，起碼吃得健康和豐富！

第十位﹕伊麵
卡路里﹕404/碗
脂 肪﹕23.5克
絕對想不到伊麵會比即食麵高脂肪，經油炸，油分極高。雖然伊麵美味，但還是忍忍口吧！

 

"南乳豬手"

好多BLOG友都怕豬手肥 不過其實唔肥架 而且仲好豐富既骨膠源同鈣質

買個時叫肉檔斬件 洗淨汆水15分鐘就煮得 其實同食豬尾骨一樣架乍

拿拿拿........先指聲明 呢張相 影得好差 賣相都唔得 而且墊底既菜 影唔到

因為..........我都想收晒個汁先 不過..........."人家大少"係咁叫 好肚餓 >O<

矛計啦咁 呢次冇用生菜墊底 用左大白菜呀 係唔係好怪呀? 哈哈~

你地睇下左邊個碗飯我真係餓親佢呀 呢次居然餓到我未影相 佢都食

左半碗飯啦

"清蒸金鼓"

金鼓呢種魚 我都成十年冇食啦 記得第一次食 係食刺身架 刺身既味道

真係好爽滑好有鮮味 食過一次都會難忘 早排見BLOG友買黎蒸 ...........

笨笨流晒口水呀 不過好貴呀 我同"人家大少"兩個人食 要我買條魚成舊水

我就真係唔捨得囉 .................不過呢餐 由於................................................

哼>"< 慶祝我升官第二日(之前 元朗~ 辣妹子) 呢餐 係"人家大少"請架

所以呢餐落重本(對我黎講) WAKAKKA..... 咁就蒸返條靚魚食下先........

"人家大少"未食過呢隻魚 不過食左之後 佢都愛上呀 好鮮既魚味.........

佢仲話好食過石斑呢~ 而且呢種魚 小骨+肉滑 又有魚味 YUMMY~

大家睇下幾肥美 cccccccc~ 加邊個舊係魚春黎架 呢舊野撈埋魚汁

我都食左一碗飯呀 死未 呢條魚 呢次比張50蚊佢 就釣到返黎啦

呢篇"笨笨爛blog" 真係寫得太長啦 太多廢話啦 sorry呀~

浪費左大家既時間 送返個靚湯大家飲 ^o^ 順下條氣 .......

今次居然有預告 下一篇 笨笨會講一下點樣去"洗肺"