元朗~ 辣妹子

足足成個星期有多冇update個blog~ 唔係我懶呀..............(哈哈)

只係呢幾日有d野考慮緊 最後既決定...............就係............................

笨笨做左官啦 不過係量地官 呢排又係屋企數地磚啦

因為公司要我簽份"自僱" (文員都有自僱既咩?)

仲要cut埋"強積金" (當係你離左職 cut強積金 跟住再簽自僱)

至於人工同福利呢 (諗到唔好諗呀 唔好妄想症發作)

笨笨冇時間同金錢去同呢間"所謂公司"週旋

希望佢黎緊請個人 真係乜都唔同佢計較啦..........................................

星期六個晚 慶祝我"升官" 個人都滾滾地架啦

唔爭在刺激埋個胃口 又去食返餐"辣"先

辣妹子

呢間小店 係元朗千色店側邊 真係名副其實既小店呀 個舖我諗150呎左右

舖內冇位 全部都係坐街邊架 唔怕熱既話 都幾有街頭風味 "國內feel"

話明係"火爆慶祝" 緊係開支酒先啦~^^~ 呢支係我既

"人家大少"要冰凍既啤酒

小店內既小食同小菜 大部份都係辣既 不過呢次我地叫大辣 都唔係太辣

各位鐘意微辣既好友們 都可以叫小辣試下

食物方面 其實我未去過四川,雲南呢d地方 所以唔係咁清楚邊種味道

係四川 邊種味道係雲南~ 而呢間小店 佢既辣係帶點微酸的........

夏天食都唔錯 不過外賣返屋企食 開住冷氣 就當然更好啦 wakakka

先黎一個蒜泥白肉 肉質爽脆 味道帶點酸 食到最後 墊底d菜絲都比我食埋

跟住都係例牌菜水煮牛肉 佢地呢個 冇咁多紅油 不過都幾重孜然粉

牛肉冇用"梳打,食粉"呢d去醃 唔un 都ok

最後黎多個辣子雞 呢個就麻麻地啦 d花椒同辣椒爆得唔夠香同乾身

油左d 但係味道都可以既~

價錢屬於街坊價 每樣都唔大碟 2個人食都ok 呢次3碟小菜

我地兩個人都清晒 會再幫襯既 不過要等天氣涼d啦 因為真係食到一頭汗