清蒸baby斑 & 馬拉盞肉碎炒芥蘭

上星期打風 又鬼咁大雨 拎雨傘都吹反

真係帶"姐"又煩 唔帶又煩 攪到"呢咁hea"

夠竟係而家d颱風勁左 定係d"姐"cheap左 3號風球都擋唔惦>.<

算啦~ 中午留係屋企食 唔出去啦 記得上次同大家講過"奶油麵"

咁今日中午就煮返個奶油麵食先 ........................hehehe~

想動手個時 個腦"叮"左一下"台灣塑化劑" 拿拿林拎包麵出黎睇下d成份

好在......................只係麵粉同水 可以放心食啦~

加左餐肉 太陽蛋 蔥花油 加d老抽上下色 呢個麵成本 唔使7蚊

如果各位愛蔥的話 加d爆香左既蔥油 香好多架 講返晚餐先.........

"清蒸baby斑"

好似好耐冇食魚 搵到條斑仔25蚊 帶佢返屋企先 好似叫什麼"金錢斑"

冇沙皮 d魚肉都好滑 大花蒸6分鐘 岩岩好~ 大家有冇發現呢次d蔥小左呢?

皆因d蔥比中午個麵分薄左=_=

"馬拉盞肉碎炒芥蘭"

整左d自家馬拉盞之後 成日都好想整黎食 不過知道唔多健康

咁為有盡量控制下啦 買餸個時 見d芥蘭幾靚 咁就加d肉碎落去一齊炒

我屋企冇肉唔得架 如果唔係有人會話我虐待佢架 >o< 好鬼香jar^^

熱天好懶煲老火湯呀 滾個湯算啦 簡單~冬瓜粒粒湯 因為我地得兩丁友

多數都有剩所以都會飲兩日 不過呢晚有冷飯剩 第二日滾返個湯

倒埋d冷飯落去 咁又當一餐lunch 哈哈~

e..................個湯好大霧呀