金針雲耳蒸雞 & 蠔油鮑粒燴豆腐

星期日係母親節 我諗大家都過得好開心呢~

雖然................笨笨冇得親自陪媽咪過母親節.........不過呢......

我都有打長途過去比佢架 仲同佢傾左半粒鐘 我好開心呢.....

因為聽到媽咪亦都係一路同我傾 一路笑 wkakakakkaka ^o^

其實老人家同小朋友一樣 只要花小小心思去氹下佢地 就會好開心架啦

笨笨好期待出年過去探屋企人呢 希望唔會有意外啦@@~

(妖>.<"採"鬼過自己把笨口呀 一定順風順水 順順利利既)

笨笨係個日就出左去同"人家大少"既媽咪食飯呢........

本黎諗住出街食既 點知原來有朋友拎左條魚比佢 咁就變左係屋企食囉.....

(ccc 縮皮左 荷包又慳返d ) 仲又食又拎添 wkakakkaka 有賺呀~

呢次真係要多謝晒"人家媽咪"呀 啜返啖先 至於拎左d乜呢...............

除左帶飯之外 仲拎左d好香好靚既菜乾呀...........................................

個啖湯 真係好香菜乾味 唔同香港而家買個d 放幾多都係冇味

再唔係就勁酸呢=﹏= 下次影張相比大家睇下呢

 

呢晚呢兩個餸 都係因為呢個湯之前呢篇網誌 鮑魚藥材雞湯

"金針雲耳蒸雞"

話左唔會咁揼本架啦 所以呢次買雞 起脾起翼 斬件 用黎蒸

好在乍 如果唔係 更加揼心口呀 (心口都冇乜肉架啦 再揼就大件事啦)

其實除左金針雲耳之外 我仲浸左2隻冬菇切片放入架 你地見唔見呀?^^

"蠔油鮑粒燴豆腐"

雖然呢d咁既"所謂鮑魚"係冇味 不過 都唔好浪費 家陣乜都貴 食得唔好

"晒"丫 煎香豆腐 再用乾蔥爆香d鮑粒 加d粟米仔切粒 再加蠔油燴下佢

放d蔥粒 都幾好味架 拎黎餸飯好正架 哈哈~

呢晚有宵夜 不過係外購wakakaka 訓唔著 扯起條根想食就去買啦

右邊有蛋個碗 緊係我呢個"蛋精"架啦 ccccccc