鮑魚藥材雞湯

今日好病 又痾又嘔 胃又痛 手腳都軟 打字都好似冇乜力咁

唔開冷氣 又熱又焗 但係開左冷氣 個人都會"標冷寒"

唔知攪乜...............食錯野? 冇奶油丫 "人家大少"都冇事=口=

今日矛乜廢話啦 =x=

講返之前呢篇梅子排骨 & 蝦醬鮮魷炒西芹 出左個湯水....就係佢啦~

 

"鮑魚藥材雞湯"

之前都講過 呢次對呢個湯有d失望 >.< 未煲個時 都估到係一般架啦

點知 真係差成咁 早知買新鮮鮑魚煲啦 係過年個排 係吉吉島入手架

98蚊 有10隻 .................. 唉~ 但係一d鮑魚味都冇 "人家大少"初初

仲叫我好似上次咁樣煲 全年最富貴的一餐 (包II) ........................

好在冇咁揼本乍 呢隻鮑魚唔好話鮮味 基本上係連小小鮑魚味都冇呢

因為第一次試 所以用左雞殼 金華火腿 豬展骨 元肉 黨參 淮山 杞子 

結果煲出黎既湯 同普通雞湯冇乜分別 "人家大少"問我 ....................

人: 叫左你唔好咁孤寒架啦 緊係放得小 所以冇味啦

笨: (拎左煲完湯個3隻鮑魚比佢聞下) 你自己嗦下啦 跟本就係乜味都

      冇 放幾多都冇用啦

人: (索完之後) 係啵 真係冇味既 仲好似有d腥味添....

笨: 呢次唔係青邊鮑 我都唔敢期望咁大啦 ................ 不過都估唔到

     會係咁差囉

人: 下次一次過煲鬼晒佢啦 費事放係到眼冤呀@@~

算啦~ 當雞湯飲 味道都唔錯 唔好諗佢有鮑魚囉="=