笨笨獅子頭 & 豉汁蒸倉魚

因為叔叔呢次既事 另笨笨想起一件大約係十年前發生既事

大約十年前 笨笨玩失戀...........死未>.< 個排個人癲左咁 有工又唔返

日日都唔知自己做乜 只係困埋自己.............跟住 有位當年既墊友

同我講 不如你返加拿大行下啦 個人行開下 心情會好D架 可能會

有艷遇呢....=.= (我呢個當年墊友 真係太明白我啦 WAKAKAKA)

笨笨諗左成個星期...............最後決定 好~ 就返加拿大行下 不過呢次

C忽行 去玩跟團(HEHE 唔通我真係想睇下自己有冇艷遇?)

結果當然係冇啦 .......... 只係係果時 如果跟團既話 去美國個邊 會幫

你簽攪埋簽証 唔使自己攪咁麻煩 橫惦都係飛 緊係去多個地方啦.........

團內 有一位年事以高既婆婆 記得佢同我講過 大約七十左右..............

笨: 婆婆~ 你去探親呀?

婆: 唔係呀 我去旅行乍

笨: 一個人去? 加拿大冇乜野好玩/睇架乍

婆: 唔知呀 聽個仔話要同D孫移民黎呢到 咁我咪黎睇下囉

笨: 哦~ 咁仔仔唔陪埋你黎既?

婆: 佢地唔得閒丫麻

笨: 哦~

婆: 我想問下你 呢邊D地貴唔貴架?

笨: 買屋呀?

婆: 唔係呀~ 我怕如果佢地真係帶我過黎 你知唔知呀妹妹 我七十幾架啦

     如果有乜三七廿一 我怕C左之後 要訓係雪地 好凍架

笨: (呆左..........=口=)

婆: 哈哈~ 細路女 人生點都要行呢步架啦 緊係要幫自己諗定架啦

     你唔係咁後生就怕死呀......

笨: 婆婆~ 就係後生先怕死呀 >O<

婆: 哈哈~ 只要你唔好比自己有任何後悔或者遺憾 就唔會架啦

話時話 個時我真係一D都唔明白呢位婆婆係講D乜 不過十年後既過

開始有D睇會啦~

P.S 我仲記得係酒店早餐食橙個時 婆婆成日都話 D橙好酸酸 .............

      團友都好奇怪......唔係丫好甜呀 跟住婆婆就會講.........................

      (你地唔明架啦 我諗起我屋企D孫呀 好孫好孫呀 ^O^)

呢篇廢話好似長左D 睇晒既BLOG友 浪費左你地既時間 SORRY喔~

 

"笨笨獅子頭"

呢個一定唔係上海正宗整法 所以為左唔好整衰人地個名 笨笨唯有改左

佢個名 請勿見怪呀~ 上網睇食譜 有炸 有煎 有清燉...................................

笨笨當然冇時間去燉啦 咁就改左半煎炸 係肉太入面 呢次又加左"燕麥片"

整呢個餸個時 "人家大少"見到小棠菜 好奇怪咁問我 呢D係唔係小棠菜呀?

哈哈 係呀係呀 呢D係笨笨至唔鐘意既小棠菜呀...........................

其實我唔係唔食小棠菜 只不過係有得比我揀既話 我係唔會揀佢囉

不過整呢個餸 除左津白之外 小棠菜好似係最配合 咁就試下啦~

味道好好味架 個獅子頭彈牙架(我又唔知"醜"字點寫啦 /口\)

"豉汁蒸倉魚"

"人家大少"炸型 佢問我 點解兩個餸都可以撈飯食 話我配錯左=.=

咁人地呢日好想食魚丫麻 而且魚又唔帶得飯 將就下啦 >.<