野葛菜羅漢果煲生魚

有時兩個人相處之道 真係好奇怪~

我老細同老闆娘 佢地成日都會係工作上出現分歧

一日嘈幾次 絕對係正常事 可能因為女人對於錢同工作上

點都會細心同緊張d啦 至於男人 可能比較粗之大葉...............

好似我老闆咁 我覺得佢真係一個大細路黎架 雖然我唔知佢年齡

不過呢 佢個仔都讀完書 出黎做左幾年野..........................

好似琴日咁 食完lunch 我聽到(會客室)點解會"拍拍"聲既

但係都冇理啦 懶得行呀 琴日個頭痛到爆..........................

跟住聽到我老闆娘好大聲咁講左句...............................................

"你攪乜野呀 玩夠未呀 你唔使做jar 人地要做架"

我當堂呆左 (hehe~出去扮"針"水 八掛下先)

哈哈~ 原來老闆同太子仔 兩個係到玩緊wii(即係手腳都要並用既電視

遊戲) 死未 ...................佢地仲玩得好認真 個時見佢地玩緊"滑雪"

仲見佢地係到研事緊乜野姿勢先可以加速 滑行得快d

返到入房 同事問我 佢地打緊機呀? 我話係呀~ 跟住我同同事兩個都

相對笑左出黎 

 

"野葛菜羅漢果煲生魚"

上一篇網誌 釀節瓜 & 香辣蝦仁炒甜豆 + 清蒸尖咀立

叫大家估下呢個係乜野湯 haha~ 臨門一腳 居然網友思思 估中左

真係叻女呀~ 不過對唔住 冇獎既 啜啖你啦 wakakakkka

呢個湯我多數係都係"海x堂"飲 不過呢日行街市 見到有d好乾淨

既"野葛菜"賣 因為平時係出面見個d 好多都又爛又多泥

呢次呢d好乾淨呀 返黎唔使一條條去洗d泥 只係用水浸佢4次就ok

即時走去買返條靚生魚煲下先

加埋羅漢果 南北杏 蜜棗

啖湯即時甜晒 好好味呢~ 原來新鮮既"野葛菜"煲出黎好鬼香架

一路煲 "人家大少"仲問 乜野咁鬼香既 真係意想不到..................

呢個湯除左清熱下火之外 聽講仲有去漬作用架