釀節瓜 & 香辣蝦仁炒甜豆 + 清蒸尖咀立

上一篇blog 講起笨笨去驗眼 查實中間有段小插曲 hahahha~

話說個日驗眼過程中既對話..............................................

笨: 我想問下 可唔可以幫我驗埋老花呀

驗: 40歲以上 九成既人 都會有老花架

笨: 哦....... 咁你幫我驗埋啦 我怕我有老花丫

驗: 都講左40囉 (語氣麻麻....)

笨: (呆左....... 心諗驗下jar 唔C咁呀 哼)

配完眼鏡 走個時 我就同"人家大少"講返呢件事

笨: ............... 叫佢驗下有冇jar 乜驗老花好麻煩既咩

人: (鈄視我 再笑一下) 佢頭先唔係話你近視深左咩?

笨: 係呀 咁又點呀 兩樣野黎既 都冇啦lun

人: 你真係唔知架?

笨: 知乜野呀 講啦 (有d掹掹地啦開始)

人: 你近視深左 即係代表你冇老花 如果check到你近視小左

      咁你就可能真係要check老花啦

笨: 係既咩? 未聽人講過既...............................

人: 你唔信既話 上網check下 或者再問下人囉

 

"釀節瓜"

haha~ 我早幾日行超市 終於買左呢樣野啦

買個時"人家大少"仲問我做咩呀 你都唔飲奶既 都唔會食麥皮架啦

買黎做乜............. 我緊係唔同講真正原因啦 我只係講 你唔好理我啦

家陣年紀大 我怕死 你比唔比丫 而且又唔一定係要用奶整既.............

哈哈~ 咁我就過到骨啦ccccccc~ 呢次整呢個"釀節瓜"係豬肉入面

我就加左燕麥啦~wakakakkaa~

即係咁........先唔好講健唔健康 但係加左麥片出黎既效果 又真係

好食好多呢~ 連"人家大少"都話呢次d豬肉點解咁好味既? 你手剁架?

wakakkaka~ 得鬼閒手剁呀我 呢次我冇瞞佢 老實同佢講 加左麥片....

接受到啵 成功啦 以後唔C收收埋埋 偷偷摸摸咁加落去啦 哈哈~

"香辣蝦仁炒甜豆"

又黎返個混醬先 呢次用蝦仁配甜豆 比上次重手D 味道好正呀~

"清蒸尖咀立"

點解今日有三個餸 因為"人家大少"係個日早起身 可以車我去

食早餐 同埋去街市跑一轉先返工 咁就緊係襯機會買條魚食下啦

呢條魚 亞姐話係尖咀立 盛謂15蚊.......... 買個時新鮮扎扎跳架

見佢15蚊 暈佢11粒鐘 唔好食都唔多痛 算啦~ 

收工返去蒸 都唔錯啵 亞姐冇點我 小骨 D肉都幾滑 有魚味....

不過 隻眼....................點解蒸起左 好似有"白內障"咁既@@~ 

WAKKAKAKA 又黎啦 送上靚湯一碗 有冇BLOG友估到係乜黎呢

比D貼士大家...............呢個湯 有清熱 下火功能架 不過呢...............

笨笨都係第一次自己煲 不過呢個湯 笨笨成日會出街飲架 好多地方都有

得飲架 HEHHEE ^^