元朗~ 香辣風

呢間"香辣風" 係舊年聖誕之前左右開既

佢係位於元朗水邊圍村旁邊 個頭附近都幾多食市架

而且全部都開到好夜 元朗好多的士司機同埋夜貓

都鐘意黎呢邊食 而且仲有位泊車同埋"看住架車"

佢地主打 係川菜 之前都同大家講過 元朗近呢2年 開多左川菜既食市

街坊價錢 而且老闆 老闆娘 同埋"所謂既員工" 個個都好好傾

"所謂既員工" ? 其實呢間小店 佢地係用家庭式經營.............

如果食得好辣既話 大家黎到呢度 都一定要叫加辣 佢地為左就返

香港人既口味 都係比較小辣 之前我同"人家大少"去親幫襯過 知道佢

地辣既情度之後 每次叫大辣之後 仲要加辣 所以老闆佢地 對我

同"人家大少"既印象都幾深 佢地有地道四川小菜 亦有火鍋 ........

不過火鍋個排 我冇影相 呢次只講下D 地道小菜同麵食

之前係一篇BLOG辣酒花螺 & 白灼"攪錯花" 講過

我打包左D辣子雞既配料返屋企 整左個辣酒煮花螺 就係呢間啦

不過個日冇帶相機 哈哈 SORRY喔~ 只可以用文字講下

佢地既辣子雞 炒得乾身 唔油 而且香脆 係元朗黎講 算係唔錯呢~

"擔擔麵"

可以揀辣同唔辣 我就要大辣+辣 "人家大少"就要中辣

只係十幾蚊一碗 基本上 唔難食 就冇要求啦

味道同麵質都OK 夠香

"青椒皮蛋"

呢個好想試整 不過我搵唔到邊到有佢地呢D黃色既皮蛋賣

香港買到個D係唔同 隻隻都係黑色既 不過...............................

各位睇相都睇到 呢個有D失敗 因為有一隻唔係糖心

做唔到個效果 ..............呢個唔會再試 味道麻麻

好似辣椒油撈皮蛋...........................青椒冇味 亦唔辣

大家估唔估到呢個係乜............佢拎黎個陣 我都呆左一下........

.

.

.

.

.

"蒜泥白肉"

呢個就係蒜泥白肉 開頭一拎黎 我以為係豆板醬溝埋一堆

食落 味道又唔同 都係香辣啦 不過就冇乜"麻"既FEEL

但係肉 佢做到爽 而且切得薄 呢個真係唔錯

總括黎講 如果只係價錢 真係抵食

佢地做到四川既"香" 不過"麻"呢 就真係麻麻啦~

服務黎講 呢間小店真係唔錯 你想要求點樣 只要提出

佢地都盡量去滿足你.......... 至於火鍋 水煮烏江魚 都唔錯架

魚肉滑 料足 OK啦~

不過火鍋既配料 真係麻麻 全部都係凍肉舖既貨式 所以散叫火鍋配料

真係可以唔使試@@~