原地踏步

係呢一年 我感受到"人家大少"既改變

佢對我既容忍 包容 都負出左好多

反而我自己就好似原地踏步 脾氣仲會差左

牙痛期間 我每日都唔知自己發左幾多次脾氣

就好似2月17個日 約左去剝牙 但係..................唔知點解

個心好不安 諗好多好多野 跟住我又黎料 =.=

"人家大少"本來想係我去剝牙之前 同我去食飽d

等我剝完之後 食唔到野 都唔會咁肚餓

但係我又哭又鬧 情緒失控 ......... 結果佢自己出左去食野

而我 突然靜落黎之後 就去諗 .........................................

唉~ 怕都冇用 醫生都講左隻牙冇得救 點都係要剝架啦

算了 自己死死地氣換衫 搭車出去牙醫個到

剛去到 報到左之後 電話就響 "人家大少" 問我去左邊

唔知點解 個一刻 又喊左出黎 真係冇用=口=

跟住 "人家大少"話要黎陪我 我詰唔使啦 自己攪得拉掂 就收左佢線

點知 15分鐘左右 就見到佢出現

佢問我頭先係電話做乜喊 係唔係好驚 定係打左針痛

唉......................... 我都唔知點解 總之就係好驚好怕

剝完之後 返到屋企 麻醉藥過晒 又痛又餓

2個鐘 食左4粒止痛藥 個人好辛苦 跟住.............. 我又情緒失控

"人家大少" 冇發我脾氣 仲係咁拎紙巾比我抹眼淚

跟住等我心情平復返 就同我出街食野.................

我仲同佢講 我好想食"香辣雞腿包" 不過 我咬唔到

佢就同我講 買外賣返黎 我切開比你食啦

嘩.................... 即時心都甜晒 好想咬佢一啖 哈哈~

"人家大少" 好多謝係呢一年你對我咁好

處處容忍我既任性同野蠻呀

我應承你 我今年會好好去控制自己 唔會再做一個"野蠻任性既港女"

哈哈~