豉汁蒸倉魚 & 雲耳勝瓜

黑仔的渡歲...............................................

年初一晚 就比屋企某一隻貓 跣左我一鑊金既

結果 撞崩左隻牙 仲要好痛好痛 但係新正頭 去邊搵醫生睇

自己亦唔想新年流流 就去睇醫生 所以為有忍痛 拖拖拖

拖到年初六先去睇 醫生話 冇得救 要剝 哭ing~

已成事實 我就同自己講 算啦 今年犯太歲 當破財擋災好了...

約好醫生2月17日個日剝......食止痛藥食足我半個月有多

因為年初六個日 本身醫生都full booking 所以要拖到2月17個日

唉..................仲未黑完 就係年初七個晚 輪到"人家大少"

唔知撞乜鬼 腳軟 佢成個人仆左落個電視櫃 即時狂流鼻血 不特止......

仲要撞爆埋部電視 =.= 真係黑到自己都唔多信呀...........

都唔知係破財擋災 定係瘟神上身呀 >.<

希望呢d唔好既野 隨著正月過去 快快離我而去

所以成個新正頭 除左年初一之外 基本我都冇啖好食 =x=

年初三個日 忍痛去了"人家大佬"屋企拜年

因為之前佢公司團年飯 我已經失約 所以呢日唔放得飛機

個晚仲要玩bbq 但係因為我太肚餓 成日都冇乜點食野

夾硬黎 忍痛 都食左幾件 (真係好痛 食完仲要胃痛 因為冇乜點咀嚼 就吞)

黎緊就要食"老人餐"了 >"<

以下係年初四煮 極唔想煮 因為痛 個人冇晒精神 而且冇晒胃口

但係我唔食 "人家大少"都要食 冇理由要佢日日食外賣啦..........

 

"豉汁蒸倉魚"

魚 我諗可以唔使點咬 慢慢食都ok

"勝瓜煮雲耳"

呢次d勝瓜煮耐少少 諗d 就唔使點去咬 雲耳本身滑滑 呢個餸

我鐘意放埋洋蔥去煮 有洋蔥既香 勝瓜本身既鮮甜 yummy~

"蒸水蛋"

臨時決定加多個蒸水蛋 有d野撈下飯食 易入口d