三色水蛋 & 鮑汁螺片生菜

呢幾日既氣溫 感覺真的入秋了 一早一夜 都比較涼呢 ~

而家既天氣 真係變幻莫測 大家真係要帶多件外套係身........

笨笨係早兩日 著涼冷病了 好耐冇見既世伯"發燒UNCLE"又黎探"笨笨"啦

哭ING~ 至憎呢位UNCLE 次次都希埋"笨笨"至討厭既手信黎搵我

手信1. "發燒UNCLE" 一定帶埋佢太太 "發冷ANUITE"黎

手信2. 每次黎探"笨笨" 都要"笨笨"帶佢地去景點一遊------> "診所" 

          可憐呢個景點的入場費 每次都係要"笨笨"比仲要入場

          後的遊戲"打針" 笨笨至怕玩架啦 點解你地要迫我玩

好在 呢次呢位UNCLE只係黎個短聚 3天就走了 唉.............................................

"發燒UNCLE" 你唔好再黎探我啦 我好忙 唔得閒招呼你地架

 

"三色蒸水蛋"

識得我耐既朋友 都知我係一個蛋精 你比2隻半生熟既煎蛋+豉油 比我 我就

可以食晒一碗飯 KAKAKA.........(其實我都好易養架) 不過大家放心 鐘意還

鐘意 我都會盡量同自己講 注意一下 唔好太過份既.........................................

蒸水蛋 真係好好餸飯呢 平時就咁蒸水蛋 笨笨會用3隻蛋 呢次3色蛋 就用左 2隻

雞蛋 1隻皮蛋 1隻咸蛋

"鮑汁螺片生菜"

HAHA~ 懶人餸又黎啦 鮑汁螺片係罐頭 只要搵蒜容炒左D生菜 再煮返熱

D螺片 咁又一餐啦 早兩年 笨笨覺得呢隻螺片都唔算係咁平or底食 不過

呢幾年物價高漲 以前2個人開飯 蒸碟排骨 買10蚊都得 而家起碼都要買15

蚊 乜都貴晒 連cheap牌午餐肉(細罐) 都要成10蚊 咁呢隻螺片 "捕"到佢地

特價 30-32蚊一罐 計返又唔係貴 家陣買條魚食都唔止啦 ..............haha~