笨笨自從搬入元朗後 發現元朗居民 好喜歡排隊...........
可能因為係九龍住既時候 隨左同屋企/親戚飲茶之外
基本上我係唔會因為要食某一樣野而去排隊 仲要係排好耐好耐......
不過 我發現元朗既人 無論食乜 基本上都係要排隊 (隨左大排檔/茶餐廳啦)
好似做成一個陰影 唔使排隊個間就"好極有限"..........
錯~ 其實好多間 排隧都未必係好~
當然..... 食野係好講個人口味~ 所以好多時食評 都未必一定對~
最緊要係自己喜歡呢
元朗田中日本料理
笨笨真係唔多明 呢間野由教育路舖開始超多人排隊 ....................
現在搬到元朗大馬路 都仲係咁多人排隊 @.@
老實講 我就未排過 因為要排成個幾鐘 入去食得個45分鐘............
限時限刻 已經唔多喜歡 而且聽返d元朗友講 唔係真係咁出色........
不過 既然咁多人願意咁樣去等 我估都唔會差得去邊掛.........試下外賣........
先打電話去order 大約30分鐘左右 可以去拎...................
"三文魚刺身" 四個字講晒 (大件夾梅) 三文魚都可以拎去做(梅香)?
"麵豉湯" 唔使多講 唔熱加冇味
"滑蛋豬扒飯" 豬扒"鞋"過我塊面>.< 炒蛋還可以 不過冇放味醂
"薑汁雞柳飯" 雞柳又乾又鞋 薑汁未沒有
我唔知堂食會唔會好d 不過由大馬路舖取外賣回到家 都只係8~10分鐘時間
唔知會唔會係有影響....... 不過都算了 ....... 大把好食過佢 .......冇下次
啲蛋咁多洋蔥嘅, i dont like it!!
回覆刪除睇個樣都幾好喎 乜原來差成咁呀
回覆刪除那还好你没去排队而是叫外卖喔~
回覆刪除我地荃灣人都鍾意打占架...點解佢地唔排隊搭小巴...同妳地元朗唔同...
回覆刪除田中出晒名大大件抵食, 不過我未食過.
回覆刪除食外賣，我唔會囉，幾好食都打折扣，如果唔好食就更衰！
回覆刪除係呀，係呀！尤其日本野，元朗d人好似前世未食過日本野咁，逢見到日本野都要排隊架，好搞笑！我超唔鍾意排隊，我係去幫襯去享受服務唔係去行乞，仲咩要輪米咁，係門口罰企完入去食又要罰食快d！
回覆刪除反而好耐之前，差唔多初搬入黎住個陣……，我諗六七八年前啦，有間叫…好似麻布一番，係大馬路，近元朗廣場個邊，個間d野食唔錯，不過都要等位，但無咁誇張等成個鐘囉，通常等十幾二十分鐘，又唔會坐得好辛苦同無被迫的感覺，唔知你有無試過？
呢間好唔得呀，我有個朋友住元朗極力推介，帶過我去一次。Ｄ野係完全唔得，我已經係對食要求唔係好高個Ｄ人，基本上係垃圾口添，都覺得唔掂呀。但我個朋友仲個個星期去食架。真係人人口味唔同。
回覆刪除係唔係因為平，所以多人排隊???
回覆刪除碟三文魚剩睇個樣好似好掂咁....但其它嗰三碟一睇個樣就己經唔想食
回覆刪除依家d香港人根本咩都排得一餐~我真係無興趣
回覆刪除好早年去田中食過一次~之後都無再去啦
我都覺得田中好差, 真係唔明點解日日排長龍?
回覆刪除多人排隊可能算平，咁排隊的人也許明白食物質素唔會一級的了！
回覆刪除冇錯, 大把好食過佢, 不過, 我從來未食過佢
回覆刪除田中 ... 我記得好多年前去過, 唔知係唔係呢間? D 位好迫
回覆刪除個雞柳飯見到我都唔想食，如果三文魚會梅，唔知仲再食唔食好，好怕食完會痾
回覆刪除哈哈哈...梅香三文魚...
回覆刪除應該是客太多, 手工差.相信以前質量較好.
回覆刪除梅香三文魚....咁你食完有無唔舒服呀
回覆刪除見到碗麵豉湯就知唔掂...元朗空氣好Ｄ冇咁熱所以多人排隊Ｄ？
回覆刪除我知呀，有次好偶然咁經過見到，但已經唔係之前食過個d味道。
回覆刪除原來你住元朗架..我間中都會去元朗逛..因為我哥哥住錦上路..所以間中約我阿嫂去元朗食野..元朗真係好多食店..
回覆刪除係邊架？
回覆刪除喂！我地上星期去元朗廣場，以前家鄉雞個度，食即打烏冬，ok架，食物唔算好好，但坐得幾舒服同埋可能仲未有咁多人知個度新開佐間野，所以唔係太多人。
bbq..咁又冇喎..因為我都唔鍾意燒野食既..今日下午我又約左我阿嫂去元朗..可能都係去飲茶..
回覆刪除哇..d 野差成咁...真係揾鬼幫親咩..
回覆刪除我都好想去試.............
回覆刪除好彩睇到你個blog
thx~~