笨記雞米

C啦我 五官不存啦

 邊得黎咁鬼熱架

 諗左好耐 點解小

時有咁有忍耐力..........(記得長大的家 是沒有冷氣的

) 而家咁難頂既原因..

1. 習慣..........NO~ 係歎慣左

2. 地球叔叔比人打呀

 EG.....記得小時 邊有冷氣BUS 小左呢D既散熱 條街

    都一定涼好多啦..........其次 社會先進左 無論天氣幾多度 都係開冷氣既

..............太多原因了 好

~ 呢次笨笨試下 熱到出煙 都唔開冷氣 睇下會點先

原來 係會習慣架 習慣左大汗疊細汗之後

................ 又真係唔係咁難頂既 反

而一出一入冷氣既感覺 仲更加辛苦呢

  好了.........笨笨廢話完了..................

浪費左大家既時間 真係唔好意思

 

18Aug2009 (星期二)

"笨記雞米" 上次笨記雞粥時 買左一隻雞返黎 用左一半黎煮粥 餘下的 想想點

                  攪佢先~ 天時c熱 冇晒飯隱 問下"人家大少"點攪好 佢就話 咸雞啦~

                  都好~ 好耐冇整過咸雞 於是黎個咸雞米>w<

                  整之前既一日 蒸熟呢半隻雞先 係碟底放數片薑 就可以了~ 大火蒸

                  佢6分鐘 閂火"唔開蓋" 焗多佢10分鐘 拎出黎 將雞汁留起 再係雞面

                  舖上粗鹽 放涼後入雪櫃 等明天食

                               

 

                第二日 煮返熱之前 洗去雞上既鹽 跟住蒸熱2分鐘 焗3分鐘 ok~

                         

              米粉湯底 只係清水+薑+胡椒粉+鹽 .....仲要加埋第一次蒸雞時既汁

                              

                                          湯底入面 點都要放d菜啦

                             

                                   又係"人家大少"出手了~ 斬雞 @.@